Hêzanê hukmatê Şamî û çeteyanê Dîfa Watanî yê ke pabesteyê ci yê 7ê tebaxe de saetanê şewe de cephaneyanê herêmanê Meyadîn, Bû Kemal û Eşare ra herêmê Zîban, Şihîl, Tiyane, Dernic, Ebû Herdûb, Ebû Hemam, El Latwa û Xiranîcî yê Dêrazorî dayî bombayan ver.

Goreyê eşkerayîya Merkezê Îrtîbat û Çapemenîye yê QSDyî hêrişê vera Dêrazorî de 2 sîvîlî şehîd bîyî û 2ê înan domanî 7 sîvîlî birîndar bîyî.

Nizdê dewe û dewekanê Zîban, Şihîl, Tiyane, Dernic, Ebû Herdûb, Ebû Hemam, El Latwa û Xiranîcî de mabênê hêzanê Meclîsê Leşkerî yê Hecîn û Dêrazorî de û grûbanê hêrişkaran de pêkewtişê giranî qewimîyayî.

Fermandarîya herême da zanayene ke badê pêkewtişê çar saetan hêzanê QSDyî hêrişkarî peyser qeldayî. Eşkerayîye de ame vatene ke pêkewtişan de 8 îşxalkerî  merdî ke înan ra cenazayê 3 kesan kewtî destê QSDyî, 16 îşxalkerî birîndar bîyî û hêrişkarê bînî remayî.

Meclîsê Leşkerî yê Dêrazorî dewa Ebû Hemam de ya ke tede pêkewtişî qewimîyayî, tebîrî girewtî, heme herêmanê bînan de zî qedexeyê tebervejîyayîşî ame îlankerdene û nuqtayê kontrolî zêdîyayî.