Pêlê 'Planê Çokdayîşî' de vera paytextê Şorişê Rojawanî Qamişloyî û şaristanê xoverdayîşî Kobanê bi sîstematîkî hêrişê bi droneyê çekdarî (SÎHA) ameyî kerdene. 23ê hezîrana 2020î ra nata bi droneyanê çekdaran 181 hêrişî ameyî kerdene û 112 serkêş û hemwelatîyî nê hêrişan de şehîd bîyî û 72 kesî zî birîndar bîyî. Hêrişanê vera baregehanê hêzanê Şamî de zî 46 leşkeran dinyaya xo bedilnaye û 50 leşkerî zî birîndar bîyî.

Dewleta tirke hêverî 23yê hezîrana 2020î de hêrişê dewa Hêlincê ya Kobanê kerd û hêriş de endamê Koordînasyonê Kongreya Starî Zehra Berkel û Hêbûne Mele Xelîl, dayîke Emîne Weysî şehîd bîyî. Dewleta tirke 16ê hezîrana 2021î de zî dewa Elpêlûrê ya Kobanê kerde hedef ke Rayberê Şarê Kurdî Abdullah Ocalan tede mendêne. 

2021 de Qamişlo, Til Temir û Kobanê 8 reyî dîyayî bombayan ver û netîceya ney de 17 kesî şehîd bîyî û kesêk/e zî birîndar bi/bîye.

2022 de dewleta tirke ya îşxalkere 120 reyî warê Rojawanê Kurdîstanî kerdî hedef. Nê hêrişan de domanî û Fermandarê YPJyî Mizgîne Kobanê, Jîyane Tolhildan, Roje Xabûr, fermandarê QSDyî zî tede 72 kesî şehîd bîyî û 64 kesî zî birîndar bîyî.

Nê şeş menganê 2023yî de dewleta tirke ya îşxalkere de pê droneyanê çekdaran 52 reyî hêrişê Rojawanê Kurdîstanî kerd. Nê hêrişan de heta nika 20 kesî şehîd bîyî. 

Dewleta tirke ya îşxalkere tewr peyên 20ê hezîrana 2023yî de nêzdîyê dewa Til Şeîrê ya Tirbêsipîyê de wesayîtêk bi droneyê çekdarî dabi bombayan ver. Hêriş de Hemsereka Kantonê Qamişloyî Yusra Derwêş, Hetkara ci Leymane Şiwêş û ramitoxê wesayîtî Firat Tuma şehîd bîyî. Hemserekê Kantonê Qamişloyî Gabî Şemon wesayîtî ra sey birîndar xelisîya.