Meclîsê Pêroyî yê PYDyî ewro eşkerayîyêka nuştekîye daye û îfade kerd ke prosesêkê winasênî de astengkerdişê pêvînayîşê Ocalanî nêno qebulkerdene. Eşkerayîye de ame vîrvistene ke tecrîdê vera Ocalanî bêmerdimî û bêexlaqî yo û na rewşe hêrs dana şarê kurdî.

Eşkerayîye wina ya:

''Pêro dinya vera vîrusê Korona têkoşîn kena la dewleta tirke hema zî dişmenîya xo ya vera kurdam dewam kena. Dewleta tirke paştî dana cerganê Sûrîye, wazena ke demografîya herême bivurna. Dewleta tirke zereyê xo de zî vera tepişteyanê sîyasîyan û rojnamegeran teda kena. Dewlete asteng kena ke keyeyî tepişteyan reyde pêvînayîş bikerê. Bi taybetî tecrîdê vera Ocalanî dewam keno û muracatê keye û avûkatanê seba pêvînayîşî ameyî redkerdene. Nê kerdişê bêmerdimîye şarê kurdî hêrs kenê. Ma reyna vanê ke ganî dewleta tirke nê keridşan ra fek vera bida. Ma venga dezgehanê heqanê merdiman û hêzanê demokrasîyî danê ke têbigêrê ke  dişmenîya dewleta tirke ya vera tepişteyan biqeda. Hewce yo ke tecrîd cade bêro wedaritene û keye û avûkatê Ocalanî ey reyde pêvînayîş bikerê. Ganî şarê ma zî seba naye tewirê xo bimojnê.''