Hêrişê vera Kobanê de di kesî ameyî qetilkerdene

Meclîsê Pêroyî yê PYDyî pare kerd ke hêrişê SÎHA yê vera Kobanê de 2 kesî şehîd bîyî û 3 kesî zî birîndar bîyî û vat: ''Welatê ke teknolojîya çeke roşenê Tirkîya hemkarê nê sûcanê dewleta tirke yê.''

Vizêr SÎHAyan hêrişê wesayîtêkê sivîlî yê Kobanê kerdbi û hêriş de 2 sivîlî şehîd bîyî û 3 kesî zî birîndar bîyî. Meclîsê Pêroyî yê PYDyî derheqê hêrişî de eşkerayîyêke daye.

PYDyî îfade kerd ke dewleta tirke key teng biba hêrişê sivîlanê Rojawanî kena. PYDyî vist vîrî de dewleta tirke bi mabênçîtîya Amerîka û Rûsya peymana adirbirnayîşî îmza kerdbî la goreyê adirbirnayîşî tênêgêrana. PYDyî hêrişê Tirkîya yê bi SÎHA yê vera Kobanê şermezar kerd. 

PYDyî vat: ''Ma sey Meclîsê Pêroyî yê PYDyî pê bawer ê ke eke cerganê Sûrîye ra nêbîyêne dewleta tirke nêeşkayêne hêrişanê xo rê dewam bikera. Dewleta tirke hêrişanê xo de teknolojîya şerî xebitnena. Welatê ke teknolojîya çeke roşenê Tirkîya hemkarê nê sûcanê dewleta tirke yê. Ma venga şarê xo danê ke teber û welat de nê sûcan pê metodanê demokratîkan şermezar bikero.''