Meclîsê Şarî yê Taxa Cûdîyî yê Qamişloyî bi eşkerayîyêke da pêhesnayene ke çarçewaya  seferberîya paştdayîşê QSD, YPG û YPJyî de  binê serbanê Hêzanê Pawitişî yê Komelî (HPC) de 5 tabûrî nayî ro.

Eşkerayîye de ya ke bi kurdkî û tirkî ameye dayene nê ameyî vatene: ''Ma semedê pawitişê erjanê şorişî paştî danê hêzanê pawitişî yê Rojawanî. Ma xoverdayîşê Awbendê Tişrînî selam kenê. Ma çarçewaya Şerê Şarê Şorişgêrî de bi waştişê tewrbîyayîşê aktîfî  her dewe, her taxe de, her bajar de û her kuçe de xo rêxistine kenê ke destkewteyanê xo bipawê û ser bikewê. Ma do xo bipawê û vera îşxalî ser bikewê.''

Çend rojî verî zî Meclîsê Şarî yê Taxa Enteriye zî da bi eşnawitene ke înan çarçewaya seferberîya pêroyîye de 8 tabûrî nayî ro.