Bi wesîleya 1ê Teşrîna peyêne Roja Kobanê ya Dinya bi des hezaran kesî vejîyayî meydanan û bi slogana ‘‘Ma bi rûhê Avesta, Barîn û Şîlanan Roja Kobanê ya Dinya fîraz kenî‘‘ rayîrraşîyayîşêk viraşt.

Çalakî de hêrişê dewlata tirkî yê vera Kobanê û Girê Spîyî ke 28 Teşrîna verêne ra dewam kenî ameyî protestokerdene.

Bado zî Îdarekara Koordînasyonê Kongreya Starî Asîya Abdullahe xîtabê şelîgî kerde. Abdullahe xoverdayîşê tarîxî yê Kobanê ke hemverê çetayanê DAÎŞî de ame dayêne vist vîrî û va: ‘‘Serkewtişê Kobanê ramot ke şarê Vakur û Rojhelatê Sûrîye verê koletîye de milê xo çewt nêkeno.‘‘

DIRBESIYÊ: Qezaya Dirbesîyê  de zî bi slogana ‘‘Ma do bi rûhê Kobanê Efrînî azad bikero‘‘ şar vejîya kuçeyan  1ê Teşrîna peyêne Roja Kobanê ya Dinya fîraz kerd û hêrişê dewlata tirkî şermezar kerd.

TEBQA: Tebqa de zî bi eşkerayîyêk hêrîşê dewleta tirkî yê vera Kobanê û Girê Spîyî ame şermezarkerdene. Ame vatene ke dewleta tirkî bi nê hêrişan wazena ke paşt bido çeteyanê DAÎŞî û bi nameyê şarê herême hêzanê mîyanneteweyîye ra ame waştene ke wa vera hêrişanê dewleta tirkî bêveng memanî.