Bajarê Qamişlo yê Rojawanê Kurdistanî de bi hezaran kesan hêrişê dewleta Tirkî yê vera Başûrê Kurdistanî şermezar kerd.

Herêma Cizîre ra bi hezaran kesê ke bi vengdayîşê Meclîsê Kantonê Qamişlo û Kongreya Starî Meydanê Şehîd Xebatî de ameyî têhet, hêrişê îşxalî yê dewleta Tirkî yê vera Başûrê Kurdistanî şermezar kerd. Çalakîye de pankartê sey, ‘Ma do bi ruhê Şeladizê îşxalkarîya dewleta Tirkî birijnê’ û  ‘Efrîn ra heta Bradostî îşxalê dewleta Tirkî rê nê’ ameyî kiriştene û bi sloganan hêrişê îşxalkarî yê dewleta Tirkî ameyî şermezarkerdene.

Îdarekara Kongreya Starî Semer Abdullaha ke çalakîye de qisey kerd ard ziwan ke dewleta Tirkî bi hêrişê îşxalkarîye yê vera Başûrê Kurdistanî estbîyayîşê şarê Kurdî hedef  gêna û veng da heme Kurdan ke vera îşxalkarîye mucadele bikerê. Hemserekê Meclîsê Rayberdişî yê Meclîsê Herêma Cizîrî Telhet Yûnîsî zî şehîdê qetlîamê Kobanê yad kerdî û vat: ’’Dewleta Tirkî ya ke îradeyê şaran nas nêkena bi heme rayîr û metodan hêrişê Kurdan kena.’’ Yûnîsî vera bêvengîya  rayapêroyî yê mîyanneteweyî  hêrsê xo ard ziwan û veng da Kurdan ke vera îşxalî bibê yew. Çalakîye bi sloganan qedîyaye.