Qamişlo de serrgêra ronîyayîşê PKKyî ameye fîrazkerdene
Kantonê Qamişloyî yê Rojawanê Kurdîstanî de serrgêra 45. ya ronîyayîşê PKKyî ameye fîrazkerdene.
Meclîsê Keyeyanê Şehîdan ê Qamişloyî bi wesîleya serrgêra 45. ya ronîyayîşê PKKyî rayraşîyayîşêk viraşt. Roniştoxan dima verê Merkezê Kultur û Hunerî yê Mihemed Şêxoyî de govende girewte.
Dêrik de Yewîya Cinîyan ê Ciwanan û Têgêrayîşê Ciwananê Şorişgêran ê Sûrîye çalakîye viraşte. Şarî bi wesayîtan konvoy viraşt, Goristanê Şehîd Xebat Dêrikî de serê goranê şehîdan de findî vistî ta. Dima zî girseyî Warê Şehîd Bêremî de govende girewte.
