Qamişlo de serkêşîya Înîsîyatîfê Azadîya Abdullah Ocalanî de, çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de rayraşîyayîşêko girseyî ame kerdene.

Roniştoxê Qamişlo, Amûdê, Tirbespiyê û Til Hemîs, risipîyê eşîran û heyetêkê Îdareyê Xoserî tewrê çalakîye bîyî. 

Rayraşîyayîş verê Merkezê Kultur û Hunerî yê Mihemed Şêxoyî de vurîya mîtîngî. Tîya de Endama Kongreya Starî Îbtîsame Hisên qisey kerd û vat ke Rayberê Şarê Kurdî Abdullah Ocalanî bi projeyê xo yê neteweya demokratîke kapîtalîzm vindarnayo coka vera ey tecrîd yeno caardene.

Endama Înîsîyatîfî Heyale Xiwêr zî pare kerd ke ê bêvengîya warê mîyanneteweyîyî şermezar kenê.