Vizêr serê rayîrê Kornîşî yê Qamişloyî de wesayîtêk de teqayîş qewimîyabi. Merkezê Îrtîbatî û Çapemenîye yê Hêzanê Asayîşê Zereyî derheqê serebûtî de bi eşkerayîyêke tay agahîyî dayî.

Eşkerayîye wina ya:

''22yê teşrîna verêne de, nêmroje ra dima Qamişlo de wesayîtêk teqa. Netîceya teqayîşî de cinîyêke dinyaya xo bedilnaye û camêrdêk birîndar bi. Hêzanê ma cayê serebûtî de cigêrayîş kerd û tesbît kerd ke wesayît mayînêko pasîf est bîyo. Mayîn hetê embazanê ma yê pisporan ra bêtesîr ame kerdene. Hêzanê ma derheqê serebûtî de tehqîqatêko hîra da destpêkerdene.''