Merkezê Çapemenîya Hêzanê Sûrîyeya Demokratîke (QSD) da zanayene ke înan pîya bi Hêzanê Asayîşê Zereyî vera çeteyanê DAÎŞî operasyonî kerdî û 12 çeteyî tepiştî.

Eşkerayîya QSDyî wina ya:

''Badê zêdbîyayîşê tehdît û hêrişanê dewleta tirke yê vera Rojawanî hêrişê hucreyanê rêxistina terorî ya DAÎŞî zî zêdîyayî. Xeylêk çeteyê ke herêmanê ke binê îşxalê dewleta tirke de yê ra ameyî dest pê hêrişî kerd. Pê nê hêrişan ame plankerdene ke cinîyê DAÎŞjijê Kampa Holî de tîya ra bêrê remnayene bêrê waranê îşxalkerdeyan.

Hêzanê ma pîya bi Hêzanê Asayîşê Zereyî vera hucrayanê DAÎŞî Hesekê, Hol, Til Hemîs, Til Birak û Dêrik de hemle daye destpêkerdene. Na çarçewe de 12 terorîstî ameyî tepiştene û xeylêk çeke û cepilxaneyo leşkerî ameyî destsernayene.

Dewleta tirke her çiqas bi bahaneyanê cîya cîyayan hêrişê Rojawanî bikero hêrişanê xo sey meşrûyî ramojno zî kena ke DAÎŞî newe ra ganî bikero. Ganî komelê mîyannetweyîyî na raştîye bivîno û bi hewayêkê xurtî vera ci vejîyo.''