QSD: 27 îşxalkerî ameyî kiştene, tanqêk ame îmhakerdene

Pêkewtişanê 24 saetanê peyênan de 27 îşxalkerî ameyî kiştene, tanqêk  û wesayîtêko leşkerî ameyî îmhakerdene. Xoverdayîş de 14 şervanê QSDyî şehîd bîyî.

Merkezê Çapemenîya QSDyî netîceyê pêkewtişanê 24 saetanê peyênan eşkera kerdî.

Eşkerayîya QSDyî de ca dîya nê detayan:

Til Temir

''Artêşa îşxalkere û çeteyê ci bi çekanê giranan û hêrişê hewayî vera Til Temirî hêrişê xo domnayî. Dewê Mecacîr, Ehrasî û Erîşa bi wesayîtanê hewayî yê bêmerdiman û çekeranê giranan bi desan rey ameyî bombardumankerdene. Hêzanê ma cevabêko xurt da îşxalkeran û pêkewtişan de tewr tay 12 çeteyî ameyî kiştene.

Zîrgan

Hêzanê ma dewanê Xeşîm Zîrgan, Ing Hewa û Til El Hemîdî de cewab da hêrişê îşxalkeran. Pêkewtişan de tewr tay 9 çeteyî ameyî kiştene. Reya tanqêk ame îmhakerdene û yew BMB ame derbkerdene.

Eyn Îsa

Îşxalkeran bi obus û tanqan dewê Genterî û Şêrdirade bombarduman kerdî û hêrişê herêma El Nasirîye kerd. Bi cawabdayîşê hêzanê ma pêkewtişî ameyî ciwîyayene û tewr tay 6 çeteyî ameyî kiştene.

Roja 28ine ya şerî de pêro pîya tewr tay 27 çeteyî ameyî kiştene û yew BMB ame derbkerdene û tanqêk û wesayîtêko leşkerî ameyî îmhakerdene. Xoverdyîş de 14 embazê ma şehîd bîyî û 13 embazê ma zî birîndar bîyî.''