QSDyî derheqê hêrişê dewleta tirke ya îşxalkere  yê vera Rojawanî yê 31ê gulane de eşkerayîye daye û nê vatî:

''Artêşa tirke ya îşxalkere roja îneyî saetanê cemê şanî de hêrişê  vera Rojawanî kerd. Ban û wesayîtê sîvîlan û 8 nuqtayê hêzanê ma bîyî hedefê hêrişan. Hêrişê ke bi droneyanê çekdaran ameyî kerdene bîyî sebebê şehadetan û xeylêk sîvîlî birîndar bîyî.

Dewleta tirke ya îşxalkere dormeyê Qamişloyî de û herêma Til Hemisî de nuqtayê hêzanê ma hedef girewtî. Bombardumanî tesîrê bananê sîvîlan zî kerd. Dewleta tirke ya îşxalkere bi droneyanê çekdaran Qamişlo de ban û wesayîtê sîvîlan hedef kerdî, 11 sîvîlî birîndar bîyî. Abûlansêkê muedaxaleyê birîndaran kerdêne o zî  bi droneyê çekdarî ame hedefgirewtene.  Netîceya hêrişê dewleta tirke ya îşxalkere de 4 şervanê ma şehîd bîyî 11 sîvîlî birîndar bîyî.''