Hêzanê Sûrîyeya Demokratîke (QSD) bi eşkerayîyêk da zanayene ke beno ke dewleta Tirkî vera herême dest pê hêrişêkê giranî bikero.

Eşkerayîya ke rîpelo fermî yê QSD’yî ameye parekerdene de ame vatene ke  goreyê amadekarîya sînorê Vakur û Rojakewtena Sûrîye, zanayîşanê saha û sewqîyatanê leşkerî,  beno ke dewleta Tirkî  û çeteyê ci vera herême dest pê hêrişê ke giran bikerê. Dewamê eşkerayîye de nînan ca girewt: ‘‘Nê hêrişî beno do  bibê sebebê ganê bi hezaran sivîlan.  Xeta sînorî de sivîlî zaf ê. Coka ma tîya ra veng danê cimatê mîyanneteweyî û Koalîsyonê Mîyanneteweyî yo ke ma pîya morê xo da xeylî serkewtişan ro, wa berpîrsîyarîya xo bica bîyarê û vernîya krîzêkê merdimîye bigêrê.