QSDyî derheqê hêrişanê dewleta tirke ya îşxalkere de eşkerayîyêke daye. Eşkerayîye wina ya:

''Dewleta tirke ya îşxalkere wextêkî ra nata vera Rojawanî amadekarîya hêrişêkê hîrayî kerdêne û bi taybetî pê bahaneya hêrişê Taksîmî zî herêma ma tehdît kerde. Na çarçewe de 19ê teşrîna peyêne de şewe hêrişê hewayî kerd.

Dewleta tirke heta serê sibayî hêrişê Dêrik, Dirbêsîyê, Ebû Rasênî, Kobanî, Til Rfet û Şehba kerd. Dewa Teqil Beqilî ya Dêrikî de zî qirkerdişêk ame kerdene. Bombarduman de 11 hemwelatîyê ma şehîd bîyî, 6 kesî birîndar bîyî û santralê ceyranî zerar dî. Dirbêsîyê de 2 kesî, Ebû Rasenî de şerwanêkê ma şehîd bîyî û Kobanê de 3 kesî birîndar bîyî. 15 leşkerê Şamî zî merdî.

Dewleta tirke pê nê hêrişan rîyê xo yo qirker reyna mojna. Ma do qetî cewab bidê nê hêrişan. Şarê ma wa vera nê hêrişan yewî, qerardarî û paştdayîşê xo xurtêr bikerê û vera dewleta tirke û hemkaranê xo tewirêkê xurtî bimojnê. Ma keyeyanê şehîdan rê serweşîye wazenê, birîndaran rê şîfaya xeyrîne wazenê. Ma soz danê ke seba ke wayîrê ked, têkoşîn û vîrameyîşê şehîdanê xo vejîyê, waran de bibê.''