Vervatoxê QSDyî Kîno Gabrîyelî hêrişê Dewleta Tirkan a îşxalkere vera şaristananê ke îşxal kerdî, şermezar kerdî.

Gabrîyelî vat: "Rewşa herêmanê Girê Sipî û Serêkanîye alozîyayî ya. Hêrişanê barbaran ê artêşa Tirkan ê vera nê herêman de hêrişê ke bi erebeyanê bomba barkerdeyan yenê kerdene sere ancenê. Na rewşe herêmanê bînan ê Sûrîye de zî cîya nîya."

"Ma sey Hêzanê Sûrîya Demokratîke hêrişanê xokiştişî û hêrişanê ke bi bombayan vera sivîlan ênê kerdene bi hawayêkê qetî şermezar kenê. Artêşa Tirkan nê hêrişanê ke sivîlan kenê hedefê xo ra berpirsîyar a. Armancê Artêşa Tirkan tersnayîş o, dewan û şaristanan ra koçberkerdişê roniştoxan o, vurnayîşê demografîyê herême yo ke erdê ma de ca bida keyeyanê terorîstan ê Uygur, Turkistan û ê welatanê bînan.".