Merkezê Çapemenîya QSDyî da zanayene ke hêrişê artêşa îşxalkere yê vera Rojawanî bi tanq, top û çekanê giranan dewam keno. Eşkerayîye ame vatene ke îşxalkeran hêrişê Eyn Îsa, Amûdê û Dêrikî kerd û nê detayî ameyî parekerdene:

Îşxalkeran bi çekanê giranan hêrişê  herêmanê dormeyê dewanê Bîr Kîno, Genterîyê, Kefîfa, Tirwaziyê û rayîrê M-4î yê Eyn Îsayî kerd. Artêşa îşxalkere bi çekanê giranan 30 ra zafêr reyî hêrişê dewanê Xirbit Baqer, Mitmeşrîcî û Xefîya kerd. Netîceyê hêrişan de hêga û keyeyanê sivîlan de xesaro madî ame meydan. Artêşa tirke bi heme hêzê xo hêriş kena ke rayîrê mîyanneteweyî yê M-4î bîfîno dest. Îşxalkeran 17ê kanûne de bi konvoyê wesayîtanê biçekanê giranan embarê xeleyî talan kerd. 3 rojan de bi paştdayîşê çeteyan xeleyo ke embar de bi zafê ci ame talankerdene. Amûde de çeteyanê ke waştene hêrişê dewam Mişrêfê  bikerî bombaya înan destê înan de teqaye û 3 çeteyî merdî xeylêk zî birîndar bîyî. Dêrik de zî artêşa îşxalkere hêrişê dewanê Etebê û Dêrna Axê kerd. Netîceyê hêrişî de cayê sivîlan de xesaro madî ame meydan.