Merkezê Çapemenîya QSDyî bîlançoya 24 saetanê peyênan  eşkera kerde. Goreyê eşkerayîye Til Temîr, Zîrgan û Eyn Îsayî de hêrişan dewam kerd, îşxalkeran ambûlansêk hedef girewt û ramitoxê ci qetil kerd.

Eşkerayîye de nê ameyî parekerdene:

‘‘Til Temir û Zîrgan: Dewleta îşxalkere û çeteyanê ci bi çekanê giranan û wesayîtanê hewayî yê bêmerdiman hêrişê dewanê El Hewa, Ebûşî û Ûm Şeîfa kerd. Îşxalkeranê ke vera herêmanê asûrîyan hêrişê xo zêdînayî, kenê ke herêmê ke çarçewa adirbirnayîşî de nêyî, îşxal bikerê. Rîyê nê hêrişan ra sivîlê asûrî mecbûr mendî ke dewanê xo caverdî. Reyna hêrişanê vera dewanê Ezîzîye, Dawûdîye, Ebeînî û Til Lebenî dewam kerd. Îşxalkeran ambûlansêk hedef girewt, wesayît de şewat vejîya û ramitox şehîdt kewt. Îşxalkeran cayê sivîlan de mayin zî ca kerdî.

Eyn Îsa: Artêşa îşxakere û çeteyanê ci bi çekanê giranan hêrişê dewanê Mesûdîye, Kefîfê û Xirbit Beqere kerd. Wesayîtanê hewayî yê bêmerdiman xeylî cayî bombavaran kerdî. Xoverdayîşê Meclîsê Leşkerî yê Suryanîyan de grûbêka îşxalkeran ameye kiştene.

Netîceyê hêrişan de 4 embazê ma û grûbêka şerwananê Meclîsê Leşkerî yê Suryanîyan şehîd bîyî, 14 embazê ma zî birîndar bîyî.‘‘