QSD: Hêrişî dewam kenê, tewr tay 20 îşxalkerî ameyî kiştene
QSDyî pare kerd ke hêrişê Dewleta Tirkan a îşxalkere dewam kenê û vat netîceyê cewabdayîşê şerwananê QSDyî de 20 îşxalkerî ameyî kiştene. Şer û bombardûman de 15 şerwanê QSDyî şehîd bîyî.
Merkezê Çapemenîya QSDyî netîceyê hêrişanê îşxalî yê Artêşa Tirkan û cerganê aye û xoverdayîşî bi beyanatêkî pare kerd.
Bayanatê QSDyî wina yo:
"Til Temir
Artêşa îşxalkere û cerganê aye bi çekanê giranan, tang û teyarayanê bêmerdiman hêrişê dewanê Tewîl, Dibsa, Menacîr û Um El Kêfî kerd. Netîceyê cewabdayîşê şerwananê ma de şerêko çêtin qewimîya; 9 cergê Artêşa Tirkan ameyî kiştene.
Ebû Rasên
Artêşa îşxalkere û cerganê aye hêrişê dewanê Bab El Ferecî, Til Mihemedî, Dawidîye, Xişme û Zirganî dewam kerdî.
Eyn Îsa
Artêşa îşxalkere ya Tirkan û cerganê aye dormeyê dewanê Berberîye, Şergirade û El Nasirîye de bi çekanê giranan hêrişê xo dewam kerdî. Netîceyê cewabdayîşê hêzanê ma de 11 cergî û leşkerê îşxalkerî ameyî kiştene, 6 birîndar bîyî û çekêka AK-47 kewte destê QSDyî. Hêriş ame şiknayene.
Netîceyê cewabdayîşê hêzanê ma û şeran de 20 cergî û leşkerî ameyî kiştene, 6ê înan irîndar bîyî, çekêka AK-47 û tangêk ameyî destsernayene.Xoverdayîşê şerwananê ma de 15 embazê ma bi çêrî şer kerd û şehîd bîyî û 13 embazê ma zî birîndar bîyî."
