Fermandarîya Pêroyî ya QSDyî bi eşkerayîyêke da zanayene ke hêzanê înan planêko pîl ê DAÎŞî pûç kerdo. Eşkerayîye wina ya:

''Çarçewa têkoşînê vera DAÎŞî de Tîmanê Taybetan Operasyonan ê QSDyî rojanê peyênan de xebatêka fîraze kerde û şarê ma tehlukeyêkî ra xelisna. Hêzanê ma planê hêrişî DAÎŞî yê vera zîndanê Hesekê pûç kerd û pêro cergî teqîb kerdî, tepiştî. Nînan ra yew zî emîrêkê DAÎŞî yê bi nameyê Mihemed Ebd Elewadî bi ke xeylêk qirkerdişî kerdbî sûc nêmendo ke nêkerdbi. Nê kesî tewr peyên vera Zîndanê Hesekê hêrişêk plan kerdêne. La ewro bi hişyarîya hêzanê ma no kes tepişîya.

Nê serkewtişanê ma yê vera DAÎŞî dewleta tirke ecîz kerde coka aye hêrişê Kobanê kerd. Ma keyeyanê şehîdanê Kobanê serweşîye wazenê û birîndaran ra şîfa wazenê. Ma qetî kenê ke ma do şarê xo pêro gef û hêrişan ra bipawê û hesabê qirkerdişan bipersê.''