Hêzê QSDyî wareyanê ke kewenê rojhelatê royê Firatî de, ke hetê elemananê DAÎŞî ra ameybî îşxalkerdene, çarçiwaya merheleya Qedênayîşê Terorî de kewtî şaristanekê El-Sûsê. Merkezê Çapemenî yê QSDyî ard ziwan ke hêzê înan ê ke kewtê şaristanekî mîyan nuqteyê ûcayî hedef girewtê û pêkewtişê bişidetî virazîyayê. 

Averşîyayîşê hêzanê QSDyî yê herême dewam keno.

TEWR TAY 901 ENDAMÊ ÇETEYAN AMEYÎ KIŞTENE

Hemverê çeteyanê DAÎŞî merheleya tewr peyêne 11ê Êlule de amî destpêkerdene. Destpêkê operasyonî rah eta nika bi seyan endamê çeteyan ameyî kiştene. Goreyê hayîdarîyanê bîlançoyanê rojaneyan ê QSDyî ra 11ê Êlule ra heta nika tewr tay 901 endamê çeteyan ameyî kiştene.