QSD’yî da zanayene ke Amerîka sînor ra hêzê xo peyser antî û va: ‘‘Ma do heta peynî herra xo bipawê. Ma veng danê heme şaranê xo yê Kurd, Ereb, Asûrî û Sûryanî wa yewbîyayîşê xo bihêz bikerî û paştî bidê QSD’yî.‘‘
Hêzanê Sûrîyeya Demokratîke (QSD) bi eşkerayîyêk da zanayene ê do vera dewleta Tirkî ya îşxalkare heta peynî herra xo bipawê.
Eşkerayîye de nê ameyî vatene: ‘‘ Rixmê heme hewldayîşanê ma yê semedê vernîgiretişê pêkewtişan Amerîka berpirsîyarîya xo nêarde ca û hêzê xo herême sînorî yê Tirkîya ra peyser antî. Eke Tirkîya hêriş bikero ma sey hêzanê QSD’yî do heta peynî herra xo bipawê. Ma veng danê heme şaranê xo yê Kurd, Ereb, Asûrî û Sûryanî wa yewbîyayîşê xo bihêz bikerî û paştî bidê QSD’yî.‘‘
