Merkezê Îrtîbat û Çapemenîye yê Hêzanê Sûrîyeya Demokratîke (QSD) bîlançoya hêrişanê îşxalkarî yê dewleta Tirkî û çeteyanê aye yê di rojan eşkera kerde.

Eşkerayîye wina ya:

"Artêşa îşxalkare ya Tirkî roja 9'ê Teşrîna Verêne saete 16:00 de dest pê hêrişê serê Rojawanî û Vakurê Sûrîye kerd. Nê hêrişî serê şaristananê Serêkanîyê, Girê Spî, Kobanî, Eyn Îsa, Qamişlo, Dêrîk, Tirbespiyê, Dirbêsiyê û Amûdê de ameyî meydan. Wexto ke serê şaristananê Serêkanîyê, Girê Spî, Kobanê û Eyn Îsa pê teyarayanê şerî bombardûmanî ameyî kerdene, şaristananê Qamişlo, Dêrîk, Tirbispiyê, Dirbêsiyê û Amûdê de bi bataryayanê topan, tankan bêmabên bi seyan hêrişî ameyî kerdene. Hêrişanê ke seraser xeta sînorî de ameyî meydan pê tewrbîyayîşê 10 teyarayanê keşfî dest pêkerd. Bi taybetî teyarayê keşfî serê şaristananê Serêkanîyê, Girê Spî û Kobanê de û xeta sînorî de gêrîyayê.

Artêşa îşxalkare erdî ra seba ke derbasê sînorî bike û Rojawan îşxal bike şaristanê Serêkanîyê, Girê Spî, Çelebîyê, Kobanê û Dirbêsiyê xo rê kerdî armanc. Hêrişê îşxalkarîye zafê baskan de ameyî meydan. Bi taybetî mabênê Kobanê û Girê Sipî de xeta Kulît, Aşme û Til Sindir de bi seyan reyan bi tang, top û obûsan ameyî eştene.

Hêrişê Aşmê erdî de ameyî meydan, 9'ê Teşrîna Verêne de şan de ameyî şiknayene û Til Sindir û Xeta Kulitê erdî ra û hewayî ra hêrişanê destpêkî bi teyarayanê şerî û dima erdî de hêrişêko çêtin dest pêkerd. Armancê nê hêrişan dormegirewtişê Girê Sipî bîyî. Hêrişê xeta Slûk, Aşmê û dormegirewtişê Girê Sipî 9 û 10'ê Teşrîna Verêne de ameyî şiknayene. Nê hêrişan de pêroyê şervananê ma xîretanê dişmenî rê pê xoverdayîşanê xurtan cewab da. Netîceyê şerî de 40 çeteyî ameyî kiştene û tankêk ame îmhakerdene. Baskê Til Findirî de grûbêke bêmabên cewabê hêrişan da û wesayîtêkê dewleta îşxalkarîye ya Tirkî ame îmhakerdene.

Roja 10'ê menge de verba hêrişê îşxalkarîye yê serê şaristananê Girê Sipî û Xeta Silukî de xoverdayîşê şervanan dewam keno. Zafê çeperan de şer nêzdîye ra qewimîyeno, nê şeran de ca û wextanê cîyayan de xeta Slûk, Girê Spî û Kobanê de 52 çeteyê dewleta îşxalkare ya Tirkî ameyî kiştene.

Şaristanê Serekanîyê de hêrişê top, hewan û obusan dewam kenê. Bi taybetî Til Xelefî ra heta Dêrikî mabênê 9-10'ê Teşrîna Verêne de bombardûmanî bêmabên dewam kerdî. Zafê reyan artêşa îşxalkare û çeteyanê aye xeta Serêkanî, Tilxelef, Elok û Dirbêsiyê de waşt ke sînor derbas bikê, rastê cewabê şervanan ê ma ameyî.

Serekanîyê de hucreyêkê çeteyano ke xo rê dewa Um El Xer de ca kerd, hêrişî ci rê ameyî kerdene û netîceyê hêrişî de hucre ame îmhakerdene. Zafê cayanê şerî de cenazeyê çeteyan mendî.

Hêrişê îşxalkarîye Amûde, Qamişlo û Dêrik de bi hewayêkê çêtin ameyî meydan. Şaristanê Dêrikî de tankêkê artêşa Tirkî ya îşxalkare waşt sînor derbas bike û pê cewabdayîşî tang ame îmhakerdene.

Netîceyê şerî yê di rojan de 262 çeteyê îşxalkarî ameyî kiştene. Rîyê hêrişanê artêşa dewleta Tirkî ya îşxalkare yê serê şaristananê Rojawanê Kurdistanî de ra zafê sivîlî şehîd bîyî û bi desan kesî birîndar bîyî."