Merkezê Îrtîbatî yê QSDyî bi beyanatêkî netîceyê şerê roja 34. ê Xoverdayîşê Rûmetî eşkera kerdî.

Beyanat wina yo:

"Artêşa Tirka îşxalkere û cerganê aye tebgêrayîşê îşxalanê xo hîra kerd û hêrişê hewa û erdî dewam kerdî.

Ebû Rasên

Artêşa Tirka îşxalkere û cerganê aye bi top, tank û tayerayanê keşfî hêrişê dewanê Til Mihemedî, Um Îşbe û Bab El-Xêrî kerd.

Til Temir

Artêşa Tirka îşxalkere û cerganê aye bi çekanê giranan û tayerayanê keşfî hêrişê dewanê Menaxî û Reşadîye kerd. Netîceyê cewabdayîşê şerwananê QSDyî û şerwananê Meclîsê Leşkerî yê Suryanan de hûmarêka leşkeran a Artêşa Tirka îşxalkere ameyî kiştene û birîndar bîyî. La hûmare hema nêameye zelalkerdene.Netîceyê bombavarnayîşê Artêşa Tirka îşxalkere de Serêkanîye de guleyêkê obusî yê îşxalkeran mîyanê înan de teqîya û netîce de 8 leşker û cergî ameyî kiştene.

Eyn Îsa

Artêşa Tirkan a îşxalkere bi çekanê giranan, topan û teyaranê keşfî hêrişê dewanê Mişerfa, Silîp, depoyê genimî yê Qiz Elî, Şergirakî û rayirê m4î kerd. Netîceyê cewabdayîşê hêzanê ma de tewr tay 7 cergî û leşkerî ameyî kiştene û birîndar bîyî. Artêşa Tirka îşxalkere dewa Qerenfîlî de bi teyarayanê keşfî da wesayîtêkê sivîlî ro. Neîce de 2 hemwelatîyî şehîd bîyî û 3 kesî zî birîndar bîyî.

Netîceyê hêrişan û şerî de mabênê cergan û Meclîsê Leşkerî yê Sûryanan de netîceyê teqayîşê obusî de 15 cergî û leşkerî ameyî kiştene û hûmarêka pîle ya înan zî birîndar bîyî.

Hêrişanê hewayî yê Artêşa Tirka îşxalkere de 2 embazê ma û 2 hemwelatîyê sivîlî şehîd bîyî. 4 embazê ma û 3 hemwelatîyê sivîlî zî birîndar bîyî.