Merkezê Çapemenîya Hêzanê Sûrîyeya Demokratîke (QSD) da pêhesnayene ke Operasyonê Birûska Cizîrê  qedîyayo û nê pare kerdî:

''Hêzanê ma 29ê kanûne de pîya bi Hêzanê Asayîşê Zereyî û Koalîsyonê Mîyanneteweyî vera hurcrayanê nimiteyan ê DAÎŞî Operasyonê Birûska Cizîrê  da destpêkerdene. Operasyon 8 rojî dewam kerd. Operasyon 55 dewan û 3 bajarekanê Hol, Til Hemîs û Til Berakî û sînorê Sûrîye-Iraq de ame kerdene. Netîceya operasyonî de tay raşîyê pratîkê ke vejîyayî werte wina yê:

Operasyon goreyê aşma teşrîna peyêne ya parî amebi plankerdene la rîyê hêrişanê dewleta tirke ra amebi peyde eştene. Rêxistina terorî hêrişê peyênî sey firsetî şuxulnayî û cehd kerd ke sere de Hol, Til Hemîs û Til Birak û herême de ca bikero.

Semedê hêrişanê terorî zaf teqeber ame amdekerdene. Çeke û muhîmatê girdî ameyî pêserkerdene. 3 kesanê ke paştî dabî hêrişkaranê Zîndanê Sînaa ameyî tepiştene. Nê çeteyî Hol û Til Hemîs de xo nimitêne. Endamanê rêxistine plan kerdbi ke serrnewe û şayîyanê serrneweyî hêrişê Qamişlo û Heseke bikerê. La Operasyonê Birûska Cizîrê planê hêrişakaran betal kerdî. Pîya bi sereştişanê vera hucreyanê çeteyan, kesê ke herême de sûcî kerdî, ê zî ameyî tepiştene.

Netîceya cigêrayîş û sereştişê hêzanê ma de 154 çeteyî  ameyî tepiştene. 102yê înan endamê hucreyanê nimiteyan ê rêxistina terorî yê, 27ê înan paştdayîşo losjîstîk dayêne hucreyan û 25ê înan zî sûcê diznayîş, remnayîş û şantajî kerdî.

Hemleya cigêrayîşî ya Operasyonê Birûska Cizîrê  qedîyaye. Ma şarê xo rê zaf spas kenê ke înan paştî daye ma.''