Hêzanê Sûrîyeya Demokratîke (QSD) derheqê hamleya xo ya vera DAÎŞî de eşkerayîyêke daye.

Vervatoxa Meclîsê Leşkerî yê Dêra Zorê Lîlwa Abdullah eşkerayîye wende. Eşkerayîye de ame vîrvistene ke hamle 4ê hezîrana 2020î de başûrê Hesekê ra heta herêma Deşîşa ya sînorê Iraqî û herêma Baxozî ra heta erdê Dêra Zorê warêkê hîrayî de ameye kerdene.

Eşkerayîye de derheqê hamle de nê zanayîşî ameyî parekerdene:
''Safhaya verêne ya hamle 10ê hezîrane de qedîyaye. Hêzanê ma hêzanê Koalîsyonê Mîyanneteweyî û hukmatê Iraqî reyde seba peydakerdişê aramîya herême û pawitişê şarî vera hucreyanê DAÎŞî warêkê bi dergîya 175 kilometreyan û bi verine ya 60 kîlometreyan pakî kerd ke tede tewr tay 150 dewe û baxçeyî estê.

Hêzanê Komandosî û Koalîsyonî eşt 65 baregehanê hucreyanê DAÎŞî. Netîceya operasyon û pakîkerişî de hêzanê ma 110 terorîst û kesê şikdarî tepiştî.

Heman wextî de hêzanê ma dest na xeylêk çek, madeyanê teqaberan ser. Operasyonêk de ekîpêka ma hucreyanê DAÎŞî reyde rî bi rî mende la rewşe gêrîyaye binê kontrolî.

Zerarêk nêresa hêzanê ma ser.''