Vervatoxo fermî yê QSDyî Kîno Gabrîyelî vat xeberê ke vanê hêzê ma tewrê operasyonanê Îdlîbî bîyî, raşt nîyê.

Eşkerayîya Gabrîyelî ya ke rîpelê fermî yê înternetî yê QSDyî de ameye weşenayene de wina ame vatene: Tayî dezgehanê çapemenîye de xeberê sey QSD operasyonanê Îdlîbî de ca gêno ameyî parekerdene. Ma danê eşnawitene ke QSD tewrê operasyonanê leşkerî yê Îdlîbî nêbîyo û nê xeberî raşt nîyê.