Fermandarê  pêroyî yê QSD’yî Mazlûm Ebdîyo ke derheqê  'herêma biasayîşe' ya ke yeno vatane ke mabênê Amerîka û Tirkîya de ameye pêkerdene de ANHA rê qisey, ard ziwan ke înan bi Tirkîya  nêraşteraştî pêvînayîş kerdo.

Ebdîyî ard ziwane ke pêvînayîşo ke qalê ci yena kerdene hema ci ra netîce nêameya girewtene û semedê netîcegirewtişî pêvînayîşî dewam kenê. Ebdîyo ke îdîayê herêma mabênê Gire Spî û Serêkanîye sey herêma biasayîşe ameye bewlîkerdene ercnayî vat: '' Ma wazenêke heme xeta sînorî sey herêma biasayîşe bêro qebûlkerdene û ma no hetan ra zî vat. La dewleta Tirkî wazena ke nê demî mabênê Gire Spî û Serêkanîyê de bido destpêkerdene.''

ANHA da zanayene ke ê hemeyê ropotajî roja Pancşeme weşanenê.