Merkezê Çapemenîya QSDyî  da zanayene ke Dewleta Tirkan pêkerdişê adirbirnayîşî binpay kena û bîlançoya 24 saetanê peyênan a Xoverdayîşê Anorî eşkera kerde.

Eşkerayîye de nê ameyî parekerdene:

Til Temir

''Dewleta Tirkan a îşxalkere dewanê Gûzelîye û Leylanî de hêrişê herêmanê sivîlan kerd ke cayanê neweyan îşxal bikera.

Zîrgan

Dewleta Tirkan a îşxalkere û çeteyanê ci hêrişê dewanê Til el Wird, Um el-Îşba û Til Mihemedî kerd.

Eyn Îsa

Îşxalkeran seba ke rayîrê mîyanneteweyî M4î û cayanê neweyan bifînê dest, hêrişê dewanê Xirbet Kerîm, Dibis û Xalidîye kerd. Bi cewabdayîşê hêzanê ma 2 çeteyî birîndar bîyî û tanqêk ame îmhakerdene. Îşxalkeran bi çekanê giranan û SÎHAyan hêrişê dewanê Şêrgîratî, Tibêna û Mesûdîye kerd û cayê sivîlan bombardûman kerdî. Hêzanê ma çarçewa pawitişê meşrûyî de cewab da, 3 çeteyî ameyî kiştene û 4 zî birîndar bîyî.

Pêkewtişan de pêro pîya 5 çeteyî ameyî kiştene, 6 zî birîndar bîyî. Xoverdayîşî de 2 şerwanê ma  şehîd bîyî.‘‘