Merkezê Çapemenîya QSDyî bi beyanatêk pare kerd ke Artêşa Tirkan a îşxalkere û cerganê aye hêrişê xo yê erdî û hewayî dewam kerdî. Derheqê hêriş û şerî de ke mabênê 24 saetanê peyênan de cepheyê Zirganî, Tel Temirî û Eyn Îsayî de qewimîyayî xeberî rayaumûmîye reyde ameyî parekerdene.

Gore beyanatî Artêşa Tirkan a îşxalkere û cerganê aye bi çekanê giranan hêrişê dewanê Til El Werdî, Til Mihemedî û Til Şeîrî yê Ziragnî kerd. Til Temirî de zî artêşa îşxalkeran bi teyarayanê şerî yê bêmerdiman û çekanê giranan hêrişê dewanê Rihanîye û Amirîye kerd. Netîceyê cewabdayîşê hêzanê QSDyî de wesayîtêko bizirxî yê îşxalkeran ame îmhakerdene. Derheqê hêrişanê cepheyê Eyn Îsayî de ame vatene: "Artêşa îşxalkeran û cergan bi obus û tankan hêrişê dewanê Kefîfa, Mişêrfa û Kor Hesenî kerd. Teyarayanê şerî yê bêmerdiman herême ser o bombayî varnayî. Bi cewabdayîşê hêzanê ma şer qewimîya. Şerî de zaf çeteyê Artêşa Tirkan a îşxalkere ameyî kiştene û birîndar bîyî."

Beyanatî de ame vatene: "Cewabdayîşê hêzanê ma de 6 cergî ameyî kiştene û 8 cergî zî birîndar bîyî Xoverdayîşî de 7 embazê ma şehîd bîyî û 12 embazê ma zî birîndar bîyî."