Merkezê Îrtîbatî û Çapemenîye yê QSDyî bi eşkerayîyêke bîlançoya hîrê rojan a çalakîyanê cewabdayîşî yê vera hêrişanê dewleta tirke eşkera kerde.

Eşkerayîye wina ya:

''Hêzanê ma çarçewa heqê pawitişê meşrûyî de çalakîyanê cewabdayîşî yê vera hêrişanê dewleta tirke ya îşxalkere dewam kenê.

Bîlançoya çalakîyanê 3 rojan wina ya:

''Roja îneyî saete 21.00 de hêzanê ma vera baregehanê dewleta tirke ya îşxalkere yê dewanê Yabîse, Ebdokê, Seyda, Cemacim, Tîna û Mezra yê Girê Sipîyî çalakîyî kerdî. Çalakîya vera baregehê Yabîsî de yewê ci payeberz 3 leşkerê tirkî yê îşxalkerî kişîyayî û 3 leşkerê bînî zî birîndar bîyî. Çalakîya vera baregehê Ebdokî de 2 leşkerê tirkî yê îşxalkerî kişîyayî û 3 leşkerê îşxalkerî zî birîndar bîyî. Çalakîya vera baregehê Mezre de cergêk kişîya û 5 cergê bînî zî birîndar bîyî.

Netîceya çalakîyanê vera baregehanê artêşa îşxalkere yê Cemacim û Seyda nêzanîyena.

Roja şemeyî 7ê teşrîna verêne de, saete 14.00 de hêzanê ma yê Eyn Îsayî vera baregehê Tîba çalakîye kerde. Netîceyê çalakîye dîyar nêbîyî. Çalakîya vera baregehê Merdûde de leşkerêko îşxalker kişîya û oyo bîn zî bi giranî birîndar bi.

Bi temamî 7 leşkerê tirkî yê îşxalkerî kişîyayî.

7 leşkerê tirkî yê îşxalkerî birîndar bîyî.

1 cerg kişîya, 5 cergî birîndar bîyî.

Hêzê ma do vera artêşa tirke ya îşxalkere çalakîyanê xo rê dewam bikerê.''