Merkezê Îrtîbatî û Çapemenîye yê QSDyî bîlançoya hêrişanê dewleta tirke ya îşxalkere ya 9ê teşrîna verêne eşkera kerde. Eşkerayîye wina ya:

''Dewleta tirke ya îşxalkere hêrişê vera Rojawanî rê dewam kena û asta hêrişanê xo vera Eyn Îsayî zêdînaye. Dewleta îşxalkere roja dişemeyî qirkerdişêk kerd û 2 domanî qetil kerdî.

Bîlanço wina ya:

-Noqtayê hêzanê hukmatê Şamî zî tede 30 reyî pê çekanê giranan hêrişî ameyî kerdene.

-Di domanî şehîd bîyî

-5 sivîlî birîndar bîyî.

-Til Temir û Zirgan de dewê Bobî, Rebîatî, Mişêrfê, Xirbe Şeîr û Til Werd, Dada Ebdal, Xidrawî, Esedîyê û Dirdara dîyayî bombayan ver.

-Efrîn û Şehba de dewê Xirbe Şeala, Gundê Mêzin, Kiştear, Zîwan, Kefer Antûn û Şêx Elî, Aqîbê û Zîyaretî dîyayî bombayan ver.

-Eyn Îsa, Girê Sipî û dormeyê ci de dewê Seyda, Malikîyê, Mieleqî, Salûkê, Huriyê û Qirunfu, Mestûr, Cidêda, dewa Girêda û Siwêdîyê û merkezê Eyn Îsayî dîyayî bombayan ver. Bombardumanê vera dewa Mestûrî de domanî Nadiya El Eyaş (10) û Elî El Eyaş (6) şehîd bîyî.

-Dirbêsiyê de dewêke de 5 cinîyê ke pembûyî arê dayêne dîyayî bombayan ver û 5 cinîyî zî birîndar bîyî.''