Merkezê Îrtîbatî û Çapemenîye yê QSDyî bîlançoya roja çarine ya hêrişanê dewleta tirke yê vera Rojawanî eşkera kerde. Eşkerayîye wina ya:

''Dewleta tirke ya îşxalkere roja 4. de zî hêrişê xidarî kerdî. Hêrişan de teyarayê şerî û çekê giranî şuxilîyayî. Netîceya nê hêrişan de merdimî birîndar bîyî û zerar resa merkezanê binawanîye û xizmetî ser.

Bîlançoya roja 4. wina ya:

-31 reyî pê obus û hawanan, 2 reyî pê teyarayanê şerî, 55 reyî pê topan, rayêke bi doçka hêrişî ameyî kerdene.

-3 noqtayê leşkerî ameyî hedefkerdene

-Sivîlêke birîndar bîye.

Dêrik de dewa Gerdemîyê, Eyn Dîwan, Akademîya Şehîde Nesrîne ya Hêzanê Asayîşê Zereyî ya dewa Hemze Begî dîyayî bombayan ver. Netîceya hêrişê vera akademî de endamê Hêzanê Asayîşê Zereyî şehîd û birîndar bîyî.

Minbic de dewê Seyda, Hoşeriyê, Toxar, Qurtwêran, Ewn Dadat û Um Cilûdî dîyayî bombayan ver.

Eyn îsa de keyeyê sivîlan, Kampa Eyn Îsayî, noqtayê hêzê asayîşî, dewê Hoşan, Xalidîyê dîyayî bombayan ver.

Kobanê de dewê Xerbisan, Cîşan, Til Şeîr, Selîm, Xerxerî, Celaxî û Zormexar dîyayî bombayan ver.

Qamişlo de depoyê petrolî, dewa Til Zîwanî, dewê Til Kêf, Doban, Herêm Şêxî dîyayî bombayan ver.

Amûdê de dewê Mişêrfê, Til Hermel û Rebîatî dîyayî bombayan ver.''