Merkezê Îrtîbatî û Çapemenîye yê Hêzanê Sûrîyeya Demokratîke (QSD) bîlaçoya rojane ya hêrişanê dewleta tirke û çeteyanê ci yê vera başûrrohelatê Minbicî sîteyê xo yê înternetî yê fermî de eşkera kerd.

Eşkerayîye de nê ameyî vatene:

''Xoverdayîşê hêzanê ma yê vera dewleta tirke ya îşxlakere û çeteyanê ci yê bipereyan dewam keno.

Roja çarşemeyî saetanê serê sibayî de çeteyanê dewleta tirke bi paştdayîşê  teyarayanê şerî  û droneyanê çekdaran ê dewleta tirke pîya bi dewanê Alluş û Til Arişî vera qilê Syriatelî yo ke nizdîyê Awbendê Tişrînî de yo, hêrişo hîra da destpêkerdene. Mabênê hêzanê ma û çeteyanê bipereyan de pêkewtişê giranî qewimîyayî û 34 leşkerê bi pereyî ameyî kiştene. Reyna tanqêk û çar wesayîtê leşkerî ameyî îmhakerdene û di wesayîtanê zirxinan ê bi tîpê BMWyî zî xesar dî. Qilê Syriatelî de komayêka çeteyan hetê hêzanê ma ra dîyaye xapî ro û xeylê werte ra ameyî wedarene û ê bînî remayî.

Cemê şanî koma ke 25 çeteyan ra yena pê vera qilê ke ewnîyeno dewa Til El-Zamala ro hêriş da destpêkerdene. Pêkewtişê giranî qewimîyayî û hîrê çeteyî ameyî kiştene. Wesayîto leşkerî ke tede Doçka bibi ame îmhakerdene û  wesayîto zixin ê bi tîpê BMByî xesar dî. Çeteyî mecbur mendê ke warê şerî ra biremê.

Bi hewayêkê hemwextî herême bi topanê giranan ameye hedefgirewtene, droneyê çekdarî yê dewleta tirke firdayîşê keşîfî kerd û tay mewzîyê hêzanê ma hedef girewtî.

37 meyîtê çeteyan warî şerî de vila bîyî

Pêkewtişanê mabênê hêzanê û çeteyan serê sibayî ra heta saetanê şanî dewam kerd. Meyîtê xeylê çeteyan warê şerî de vila biyî.  Pêkewtişan de xeylê çeteyî ameyî kiştene û meyîtê 37 çeteyan erdî de ameyî tespitkerdene. Pêkewtişan de 4 çeteyî zî birîndar bîyî. Tanqêk û panc wesayîtê leşkerî ameyî îmhakerdene û hîrê wesayîtanê zirxinan ê bi tîpê BMByî zî xesar dî.

6 şehdîdî û 9 birîndarî

Netîceya xoverdayîşê qerardarî ê şervananê ma de 6 şervanê ma şehîd bîyî û 9ê înan zî birîndar bîyî.''