Merkezê Çapemenîya QSDyî derheqê pêkewtişanê peyênan de beyanatêk pare kerd.

Beyanatê QSDyî wina yo:

Til Temir

"Artêşa Tirkan a îşxalkere û çeteyanê ci hêrişê dewa Mehmûdîye kerd. Hêzanê ma çarçewa pawitişê meşrûyî de cewab da hêrişan û şerê giranî qewimîyayî. Şervananê QSDyî dewanê Kenher, El-Hecac, Derbo û El-Sîbatiya de zî cewab da hêrişan û şerê giranî qewimîyayî. Netîceyê şerî de 57 çeteyî ameyî kiştene, 22 çeteyî birîndar bîy, 4 wesayîtê leşkerî, 3 panzerî û motorêk ameyî îmhakerdene.

Ebû Rasen

Artêşa îşxalkere bi hêzêkê pîlî waşt hêrişê dewanê Xedir Avî, Til Hirmil û herêma mabênê Xirbet Cimo û Ingel El-Hawa de bika û bi nê armancî kovoyêka pîle erşawite nê cayan. Hêzanê ma cewab da hêrişan û konvoya komanê çeteyan vila bîye, çeteyî neçar mendî ke biremê.

Eyn Îsa

Artêşa îşxalkere bi hîrê tangan bombayî varnayî dewa Um El-Beramîl ser. Hêzanê ma Şêrgirad û Marûda de çarçewa pawitişê meşrûyî de cewab da hêrişan. Netîceyê pêkewtişan de 4 çeteyî ameyî kiştene, wesayîtêk ame îmhakerdene. Artêşa îşxalkere seba vîndîyanê xo herême da obus û tangan ver.

Xoverdayîşê  hêzanê ma de tewr tay 61 çeteyî ameyî kiştene, 22 çeteyî birîndar bîy; 4 wesayîtê leşkerî, 3 panzerî û motorêk ameyî îmhakerdene.

Nê xoverdayîş de 8 embazê ma şehîd bîy û 11 embazê ma zî birîndar bîy."