Hêzanê Sûrîyeya Demokratîke (QSD) bi eşkerayîya nuştekîye da zanayene ke hêzanê înan Eyn îsa de vera baregehê Mezre yê dewleta tirke çalakîye kerde. 

Eşkerayîye de wina ame vatene: “Hêzanê ma 11ê teşrîna verêne de vera baregehê Mezre yê dewleta tirke yo ke nêzdîyê Eyn Îsayî de yo çalakîye kerde la hûmara merde û birîndaran nêame zanayene. Hêzanê ma tanq û wesayîtê leşkerî hedef girewtî, coka îşxalkerî mecbûr mendê ke peyser agêrê. Eynî wextî de baregehêkê leşkerî û kamerayê ci yê çimdarî zî ameyî îmhakerdene.” 

QSDyî eşkerayîya xo ya 11ê teşrîna verêne de vatbi çalakîyanê qesasî yê vera dewleta tirke de tewr tay 22 leşkerê tirkî ameyî kişene û bi desan birîndar bîyî.