Merkezê Îrtîbatî û Çapemenîye yê QSDyî derheqê hêrişê cerganê hukmatê Şamî yê vera Dêra Zorê de eşkerayîyêke daye.

Eşkerayîye de wina ame vatene:

''Cerganê rejîmê Şamî bi doçka, hawan û topan ewro (29ê teşrîna verêne) hêrişê dew û bajarekanê Ebû Herdob, Zîban û Ebû Hemamî kerd. Hêzanê ma nê xîretê cergan şiknayî û mabênê hêzanê ma û cergan de şer qewimîta. Netîceya şerî de de 19 cergî kişîyayî û 20 cergî zî birîndar bîyî. Hêriş de topê hawanî kewt banêkê sivîlan ser û netîceya ney de 4 sivîlî şehîd bîyî, 10 sivîlî birîndar bîyî. Hetê bînî ra netîceya şerî de 3 şerwanê ma zî şehîd bîyî. 

Ma ancî anê ziwan ke hêzê ma seba pawitiş û caardişê aramî û asayîşê herême do tim têkoşîn bikerê û pêro plananê dişmenan çin bikerê.''