Hêzanê Sûrîyeya Demokratîke  (QSD) vizêr rojhilatê Eyn Îsayî de wesayîtê hewayî yê bêmerdim û biçeke yê dewleta tirke da war.

Şerwanê QSDyî Egîd Girê Sipîyî vat: ''Wesayîtê hewayî yê bêmerdim û biçeke yê dewleta tirke tim serê herême de gêrenê û merdimanê sîvîlan hedef genê. Verê bêtesîrkerdişê wesayîtî, dewleta tirke herême pê çekanê giranan û topan daye bombayan ver û dima ra wesayîtê hewayî yê bêmerdim û biçeke ameyî herême û embazanê û wesayîtêk da war. Hêrişê dewleta tirke yê vera herême dewam kenê. Dewleta tirke tim hemwelatîyan hedef gena ke şarî bitersno. La rixmê heme hêrişan ma do tim herême û şarê xo bipawê.''