Merkezê Îrtîbatî û Çapemenîye yê QSDyî bîlançoya şerî ya 22yê adare eşkera kerde.

Bîlanço wina ya:

‘’Cepheyê Awbendê Tişrînî de hêzanê dewleta tirke hêrişê noqtaya hêzanê ma kerd la hêzanê ma cewab da hêrişî. Netîceya pêkewtişan de 2 çeteyî kişîyayî û hêriş ame şiknayene. Saete 11.00 de çeteyan ancî hêriş kerd. Tîya de zî 2 çeteyî kişîyayî û tayê çeteyî birîndar bîyî. Hêriş de zeraro madî qewimîya. Saete 13.00 de droneyanê çekdaran ê dewleta tirke hêrişê noqtaya hêzanê ma kerd. Tîya de yew embazê ma şehîd bi, yew embazê ma zî birîndar bi.

Yewinanê Şehîd Harûnî vera îşxalkeran çalakîyêke kerde. Çalakîye de 1 wesayîtê îşxalkeran ame îmhakerdene la hûmara kişte û birîndaran zelal nêbîye.

Dormeyê Pirdê Qereqozaxî de dewê Bîr Hiso û Xişxişê 10 ra zafêr dîyayî bombayan ver. Hêriş de zerar resa mulkanê şarî ser. Şerwananê ma 3 çalakîyî kerdî. Nînan de yew wesayît ame derbkerdene la hûmara kişte û birîndaran zelal nêbîye.’’