Merkezê Çapamenîya Hêzanê Sûrîya Demokratîke (QSD) bi beyanetêkê nuştekî netîceyê şerî û xoverdayîşê 24 seatanê peyênan yan zî roja 38.e yê “Xoverdayîşê Rûmetî” eşkera kerd.

Beyanatê QSDyî wina yo:

“Artêşa îşxalkere û komê cergan bi pêro tewir çekanê giranan û teyareyanê bê merdiman seranserê cepheyî de galanê xo dewam kenê.

Til Temir

Artêşa îşxalkere û komê cergan dewanê Ing El-Hewa, Mehmûdîye, Qasimîye û Rihanîye de galê herêmanê sîvîlan kerd û waşt ke meydananê neweyan îşxal bikerê. Komanê cergan bi obus û hewanan galê çeperanê hêzanê Meclîsê Leşkerî yê Suryanan kerd, reyna bi teyareyanê bê merdiman herême bombarduman kerde.

Eyn Îsa

Artêşa îşxalkere ya tirkan û cergan bi çekanê giranan û teyareyanê bê merdiman galê bendanê kontrolî yê rayîrê M4î yê mîyanneteweyî û dewanê Tîna û Qizalî kerd. Artêşa dagirkere reyna nê herêmî bi teyareyanê bêmerdiman bombevaran kerdî.

Galanê artêşa îşxalkere de 2 embazê ma şehîd bîy.”