Fermandarîya Pêroyî ya Hêzanê Sûrîyeya Demokratîke (QSD) semedê vîrusê Korona eşkerayîyêke daye û pare kerd ke înan pêro operasyonê leşkerîyî vindarnayî. QSDyî venga pêro hêzanê Sûrîye da ke adirbirnayîşê merdimî bîyarê ca.

Eşkerayîya Fermandarîya Pêroyî ya QSDyî wina ya:

''Pandemî û tehlukeyê vîrusê Korona pêro dinya de yê. Vengdayîşê Sekreterê Pêroyî yê Neteweyanê Yewbîyayeyan Antonio Guterresî ser o Fermandarîya Pêroyî ya Hêzanê Sûrîyeya Demokratîke pare kena ke ê bi qerardarîye cewab danê vengdayîşê Antonio Goterresî û warê mîyanneteweyî de paştî danê têkoşînê vera vîrusê Korona. Rewşa nikayêne ya dinya mojnena ke vîrusê Korona asta bitehluke de ya û vila beno. Vîrus sîstemê pêro dinya ser o tedayêka pîle keno. Netîceyanê şerî de Sûrîye de sîstemê weşîye rijîya û hînî tehamulê seba dişmenîye nêmend. Eke şer dewam bikero vîrus o hîna zaf koçî  do bibê, şer do tesîrê sîstemê weşîye bikero û na rewşe zî do bikera ke vîrus vila bibo.

Nê esasî ser o ma sey Fermandarîya Pêroyî ya Hêzanê Sûrîyeya Demokratîke cenga pêro terefanê Sûrîye danê ke her înîsîyatîf yan zî kerdişê leşkerîyî qedexe bikerê û cade adirbirnayîşê merdimîye bîyarê ca. Hêzê ma do goreyê nê adirbirnayîşî têbigêrê. Ma hêvî kenê ke no adirbirnayîşê merdimîye berê dîyalogan, çareserîya sîyasîye akero û şerê Sûrîye û dinya biqedîno. Fermandarîya Pêroyî ya Hêzanê Sûrîyeya Demokratîke qetî kena ke cewabêkê bitesîrî bida nê krîzî û soz dana ke têgêrayîşê kedkaranê weşîye herêma binê kontrolê ma de asan bikera.''