Merkezê Îrtîbatî û Çapemenîye yê QSDyî bîlançoya şerî ya 24 saetanê peyênan eşkera kerde.

QSDyî vat: ‘’Cepheyê Qereqozaxî de şerwananê YPJyî vera îşxalkeran û çeteyan çalakîyêke kerde. Çalakîye de 8 çeteyî kişîyayî û çeteyêk zî birîndar bi. Çalakîyêka bîne de sîstemê radî, baregehêk û yew kamera ameyî îmhakerdene. Îşxalkeran dewê Tîna, Cada, Bîr Hiso, Xeseq, Dîkan, Melha, Sina û Girê Sêvê û Qereqozaxî dayî bombayan ver. 

Cepheyê Awbendê Tişrînî de Minbic diya bombayan ver. Îşxalkeran dima xeta Ebû Qelqelî ra xiret kerd ke hêrişê hêzanê ma bikerê. Girê Syria Têlî de netîceya cewabdayîşê hêzanê ma de pêkewtiş qewimîya. Tîya de 6 çeteyî kişîyayî û tayê çeteyî birîndar bîyî.

Cepheyê Tişrînî de vera çeteyan hêriş ame kerdene. Tîya de 2 çeteyî kişîyayî û 1 motosîklete ameye îmhakerdene. Yewinanê Şehîd Harunî  vera wesayîtêkê zirxînî çalakîyêke kerde. Wesayît bi temamî ame îmhakerdene û 2 çeteyî kişîyayî.

Cepheyê Dêr Hafirî de îşxalkeran bi kamîkazeyan hêrişê noqtayanê ma kerd. Hêrişan de zeraro madî qewimîya. 

Vizêr bi temamî 18 çeteyî kişîyayî, tayê çeteyî birîndar bîyî, 2 wesayîtî û 1 motosîklet ameyî îmhakerdene.’’