Merkezê Îrtîbatî yê Hêzanê Sûrîyeya Demokratîke (QSD) pelê xo yê înternetî de eşkerayîye pare kerd û bale ante hêrişanê dewleta tirke yê ke rojanê peyênan de dilab-hîrlab zêdîyayî ser.

Eşkerayîye de nê ameyî vatene: ''Hêrişê îşxalî yê dewleta tirke yê vera Rojawanî rojanê peyênan de zêdîyayî. Dewleta tirke her roje topan erzena û rojanê peyênan de hêrişê droneyanê çekdaran zî zêdîyayî. Netîceya nê hêrişan de hem hêzê ma yê leşkerî hem zî şarê ma yo sîvîl zaf şehadetî qewimîyayî. Têna aşma tebaxe de 2ê înan tutî 7 hemwelatîyî şehîd bîyî, 10ê înan tutî, 3ê înan cinîyî 17 hemwelatîyî zî birîndar bîyî.

Semedê qesasgirewtişê nê şehadetan hêzanê ma 8ê tebaxa 2022î de sînorê Mêrdînî de hîrê çalakîyê bitesîrî kerdî. Çalakîya verêne de wesayîtêko zirxin ê dewleta tirke ame hedefgirewtene. Netîceya na çalakîye de 7 leşkerê dewleta tirke ya îşxalkerî ameyî kiştene û 2 leşkerî zî birîndar bîyî. Wesayîto zirxin ame îmhakerdene. Çalakîya dîyêne de panzerêkê dewleta tirke ame hedefgirewtene. Netîceya na çalakîye de 10 leşkerê tirkî ameyî kiştene û panzer ame îmhakerdene. Çalakîya hîrêyine de de panzerêkê dewleta tirke ame hedefgirewtene. Na çalakîye de 6 leşkerê artêşa tirke ameyî kiştene û panzer ame.

Netîceya nê çalakîyan de pêro pîya 23 leşkerê tirkî yê îşxalkerî ameyî kiştene û 2 leşkerî birîndar bîyî. Ma reyna soz danê ke ma do hêrişanê vera şarê xo bicewab meverdê.''