Merkezê Îrtîbatî û Çapemenîye yê QSDyî derheqê bîlançoya şerî ya 13ê adare de eşkerayîyêke daye. Eşkerayîye wina ya:

‘’Hêrişê dewleta tirke ya îşxalkere û çeteyanê ci vera Rojawanî dewam kenê. 

Roja pancşemeyî lojmanê xebatkaranê Awbendê Tişrînî dîyayî bombayan ver. Dewa Xirbe Zemala ya Minbicî û dormeyê Awbendê Tişrînî zî dîyayî bombayan ver. Nê cayan de zeraro madî qewimîya.

Cepheyê Pirdê Qereqozaxî de dewa Xeseqî û dormeyê pirdî, dewa Bîr Hisoyî, dewê Tîna, Cada, Bîr Hiso, Xeseq, Dîkan, Melha, Sinaa û girê Sêvê û Qereqozaxî dîyayî bombayan ver. Nê cayan de zerar resa mal û mulkanê şarî ser.

Hêzanê ma Qereqozaxî de di çalakîyî vera baregehanê îşxalkeran kerdî. Netîceya çalakîyan nêameyî zelalkerdene.

Cepheyê Dêr Hafirî de Yewinanê Şehîd Harunî vera noqtaya hêzanê ma çalakîyêke kerde. Çalakîye de çeteyêk birîndar bi.’’