Merkezê Çapemenîye û Îrtîbatî yê QSDyî derheqê hêrişê dewleta tirke ya îşxalkere yê 23ê teşrîna peyêne yê ke vera Kampa Holî ame kerdene de eşkerayîye daye.

QSDyî vat: ”Dewleta tirke ya îşxalkere 23ê teşrîna peyêne de pê teyarayanê şerî û keşîfî da Kampa Holî ya ke çeteyê DAÎŞî û merdimê înan tede yenê tepiştene û Zîndanê Çerkînî yê Qamişloyî ro. Netîceya nê hêrişan de 8 şervananê ke kampe pawitene şehîd bîyî. No hêriş plankerde û bizanayîş ame kerdene. Waştişê dewleta tirke oyo ke çeteyî û merdimê înan ke kampe de yê wa biremê. Wazena DAÎŞî newe ra bikero ganî.  No plan hem semedê herêma ma hem zî semedê heme dinya tehlukeyo. Dewletî vera nê hêrişî bêveng ê. Eke tehluke dahîna gird bibo, sebebê nê dewletê ke bêveng manenê.”