Merkezê Çapemenîya Hêzanê Sûrîyeya Demokratîke (QSD)  bi eşkerayîyêka nuştekîye da zanayene ke operasyonanê vera hucrayanê DAÎŞî de 25 çeteyî ameyî tepiştene.

Eşkerayîye de nê ameyî vatene:

''Operasyonê hêzanê ma de serçeteyo bi nameyê Erkan Hisên (Mihemed Salîh el- Elî) ame tepiştene. Operasyonê teybetî yê Derazorî yo ke tarîxanê 15-22ê teşrîna peyêne de ame viraştene de 21 çeteyî ameyî tepiştene û 2 zî ameyî kiştene. Çeteyêko Kampa Holî de xo nimitêne û berpirsîyarê teqayîşanê Hesekê yo ame tepiştene. Operasyono ke hetê Yewîyanê Antî-Terorî (YAT) ra 28ê teşrîna verêne de  ame viraştene de 2 çeteyê ke berpirsîyarê hêrişê bombayinî yê vera Zîndanê Hesekê yê ameyî tepiştene.''