Radyoya Dengê Jiyanê yo ke Rojawan de bi ziwanê erebkî weşane keno 7 serrî yo. Îdarekara radyoyî Sozda Ehmed derheqê maceraya ci de ANFyî rê qisey kerd.

Sozda ard ziwan ke Radyoya Dengê Jiyanê 2017 de dest pê xebate kerdo û vat: ''Rojawanê Kurdîstanî de 2012 de radyo ronîya la o çax weşanê bi kurdkî kerdêne. La ma waştêne ke wa radyoyê ma xîtabê pêro şarî bikero. O çax herême de şer zî giran bibi. Ma destpêk de bi kadroyêkê qijî dest pê weşaneyê erebkî kerd. Radyoya Dengê Jiyanê 1ê tebaxa 2018î de dest pê weşane kerd. O çax Efrîn de îşxalê dewleta tirke est bi coka karê ma zehmet bi.

Weşaneyî hêverî Cizîre, Reqa û Dêra Zorê de dîyayî destpêkerdene. Ma giranîye dayêne bernameyanê sîyasîyan. 2022 de ma weşaneyê xo vilayê pêro Rojawanî kerd. Rojawan de weşangerîye çîyêko asan nîyo. Ma wextêk ambargo û şerî ra hacetê teknîkî peyda nêkerdêne. La ma tim kerd ke raştîyan biresnê şaranê ma û nika zî wina kenê. Ma do tim giranîye bidê weşangerîya serê tarîx û kulturê şaranê ma.''