Artêşa tirke ya îşxalkere û cerganê ci mîyanê mengêje de 5ê ci kokimî û 4ê ci cinîyî 43 kesî remnayî. Îşxalkeranê ke bînayê kolonyalîzmî zî awan kerdê, mengêke de tewr tay 5 kesî kiştî.
Artêşa tirke ya îşxalkere û cergê ci Efrîn de sûcanê xo yê vera şar û xoza dewam kenê. Rêxistina Heqanê Merdiman a Efrînî û çimeyanê herêmîyan pare kerd ke artêşa tirke ya îşxalkere temmuze de 5ê ci kokimî û 4ê ci cinîyî 43 kesî remnayî.
Qezaya Cindirêsî û dewanê ci de 9 sivîlî hetê MÎT, cerganê 'polîsanê leşkerîyan', Sultan Muradî û 'Asayîşê sîyasîyî' ra ameyî remnayene. Nameyê 9 kesan wina yê: Remzî Şêx Mihemed Mehmûd (32), Ebdulnîzar Xelîl (24), Mihemed Ciwan Mihemed (28), Ebdurehman Omer Hesen, Mihemed Hesen (27), Mehmûd Elî Hesen (30), Firzet Mihemed Mehmûd (28), Ebdo Mehmûd Derwîş (31), Mihemed Xelîl Riyad (26).
Merkezê Efrînî, qezayanê Raco û Şêra, dewanê ci de hetê MÎT, cerganê Cebhet El Şamîyê, 'polîsanê leşkerî û sivîlan ra 17 kesî ameyî remnayene. Nameyê înan wina yê: Mistefa Kemal Mihemed, Rifet Ehmed Zenkî, Xelîl Hekîm, Elî Şêx Ehmed (65), Horîk Dawûd (69), Muslim Mihemed Elo, Mistefa Murad Zîbar (65), Osman Henan (70), Hemûd Mistefa (38), Fewzî Murad, Ebdulhadî El-Omer, Basil Mihemed Nasir (30), Mihemed Emîn, Mistefa Selîm Hisên (38), Menan Selîm Hisên (52), Hisên Hedik û Mistefa Mihemed (28).
Qezayanê Şêrawa û Mabata de û dewanê înan de hetê MÎT, cerganê ''Polîsanê leşkerîyan'' cerganê "Ehrar El-Şam", "Hemzat" û "Mihemed Fatih" ra 17 kesî ameyî remnayene. Nameyê înan wina yê: Mesûd Izedîn Birîmo (53), Seydo Reşad Elî (37), Henan Omer Misto (35), Hadî Ednan Misto (34), Mihemed Hemîd Nasir (58), Hisên Ebûd Hemo (45), Ehmed Ebdo (30), Adil Bêrem (55), Ehmed Birîmko (60), Emîn Elî, Cemîl Murad Mihemed (55), Mistefa Ferîd Cemal (20), Midhet Murad Mihemed (63). Navên jinan jî; Ruqeye Mistefa, Hêvîn Hemîd, Henîfe Îbrahîm û Esûm Mihemed Elîko.
Rêxistina Heqanê Merdiman a Efrînî pê hesna ke temmuze de 5 kesî ameyê qetilkerdene ke nînan ra 3 kesî cinî bîyê. Nînan ra nameyê tay kesan wina yê: Ebdurehman Îso (50), Cîhane Omer Berakat (23), navê Mihemed Dîb (17).
Rêxistine îfade kerd ke artêşa îşxalkere temmuze de Efrîn de dêsî viraştê, qezayanê Raco, Şêra, Şiyê û Cindirêsî de zî 3 hezar û 300 zeytunêrî birnayê.
Rêxistine dîyar kerd ke dewa Sîdankê de serê axpînanê şarî de, dewanê Hemilk û Rifetîye de bînayê kolonyalîzmî virazîyayê.
