Goreyê Merkezê Belgekerdişê Sûcan îşxalê ci yê 2019î ra nata cerganê Tirkîya Girê Sipî de 83 kesî qetil kerdê û 203 kesî zî remnayê.

Merkezî pare kerd ke 7ê ci cinîyî û 12 domanî zî tede çarenûsê 89 kesan dîyar nîyê û 26 kesî zî Tirkîya de zîndanan de yê.

Merkezî vist vîrî ke hêrişanê cerganê dewleta tirke de 219 kesî zî birîndar bîyê. Îşxalkeran 2019 ra nata tewr tay 5 hezar û 171 keyeyî û hezar û 180 dekar xesp kerdî û 64 dewan ra roniştoxê înan vetî.

Goreyê agahîyanê ke merkezî pê hesnayê hezar û 849 sûrîyeyîjî Girê Sipî de ameyî cakerdene. 

Merkezî dîyar kerd ke leşkeranê tirkan sînorê Girê Sipî de 14 sûrîyeyîjî qetil kerdê û 77 kesî birîndar kerdê.