Arîfê Şêxo: Rayber Apoyî têgêrayîşêko winayên awan kerd ke bi hêvîya şaranê bindestan. Kurdîstan de teyna zulm, vêşanîye, zîndanî û merg est bîyî. Rixmê nînan zî Rayber Apoyî bi embazanê xo gamê pîlî eştî.
Arîx Şêxo dewa Çîyê ya Efrînî ra yo. Îşxalê Efrînî ra dima o neçare mend ke koçê Şehba bikero.
Arîf Şêxoyî bi wesîleya serrgêra ronîyayîşê PKKyî ANFyî rê qisey kerd.
Arîf Şêxoyî ard ziwan ke PKK sey partîyanê bînan nêbîyo û vat: ''Ne Rayber Apo ne zî PKK sey partîyanê kurdan ê klasîkan têgêra. Rayber Apoyî destpêk de ercnayîşê girîngî kerdî, dima PKK rona. Kurdîstan zaf serewedaritişî qewimîyayî la ser nêkewtî. La PKK hema zî payan ser de yo. Çunke PKK bi felsefeya têkoşînê merdimatîye ronîya. Rayber Apoyî têgêrayîşêko winayên awan kerd ke bi hêvîya şaranê bindestan. Kurdîstan de teyna zulm, vêşanîye, zîndanî û merg est bîyî. Rixmê nînan zî Rayber Apoyî bi embazanê xo gamê pîlî eştî.
Rayber Apoyî û PKKyî ra ber têgêrayîşanê bînan rolêk zî nêda cinîyan. Seba ke Rayber Apo hende vernî de bi, bi komployî ame tepiştene. Rayber Apoyî seba ke kedêka pîle daye çareserîya meseleyan 24 serrî yo zereyê yew hucreyî de tepişîyeno. Şorişê Rojawanî netîceya têkoşîn û keda PKK û Rayber Apoyî de ame kerdene. QSD û MSD berhemê Rayber Apoyî û PKKyî yê. Êyê ke PKKyî sey terorîstî pênase kenê wa hol bizanê ke PKK seba merdimatîye tek rayîrê çareserîye yo.''
